سجل إحساسك بكلمة

اخواتى الغاليات

اليوم كان شاق جدا جدا بالنسبة لى

اليوم زوجى وسارة ابنتى اصروا انزل معهم لشراء مستلزمات للمنزل

وانا لم انزل من رمضان الماضى إلا للطبيب

وبكيت كثير جدا جدا جدا طوال المشوار

كنت محرجة جدا وانا امشى داخل السوبر ماركت بالعكازين

وكل شوية اتعب واطلب كرسى لاستريح

وابكى واقول لهم انى محرجة ومكسوفة من شكلى
وجلست بالسيارة

ورجعت تعبانه ومحبطة ومازلت ابكى

انا عارفة انه قدر الله
وإته اختبار
وان الدنيا دار امتحان و ابتلاء
وإن الله تعالى يحب ان يسمع صوت العبد وهو يقول يارب

كل الكلام اللى هتقولوه انا عارفاه

وعارفة انه من الممكن ان اشفى وارجع زى ماكنت

لكنى على حافة الاكتئاب
اصبحت لا ارد على تليفونات الاصدقاء والعائلة

ولا اريد احد يسألنى كيف صحتك ؟؟

اخبار تطورات العلاج الطبيعى إيه؟؟

هتعملى العمليه امتى ؟؟


كل الاسئلة إجاباتها واحدة
مليت من كل شئ

اصبحت حتى اتهرب من اختى الوحيده

ولا ارد على تليفوناتها

وعلى طول ارفع السماعه

واحانا افتح الكمبيوتر واجلس امامه بالساعات لا اعمل شئ

على طول سرحانه
ومتضايقة
ابكى على اتفه الاسباب

ومع ذلك بتظاهر بالتماسك وقوة الشخصية امام اولادى وزوجى

انا حبيت اتكلم مع نفسى ومعكم

بحبكم فى الله

ادعولى